NATAKA KUISADIA MONACO IWE TISHIO BARANI ULAYA - FALCAO.

MSHAMBULIAJI nyota wa kimataifa wa Colombia, Radamel Falcao amesema ana nia ya kuisadia klabu ya Monaco ya Ufaransa kuwa moja ya klabu bora barani Ulaya kwa mara nyingine tena. Akihojiwa baada ya mazoezi na timu yake ya taifa Alhamisi, Falcao amesema anajisikia fahari Monaco kumuamini na alivutiwa na mipango waliyokuwa nayo katika kipindi kijacho na ni mategemeo yao kwamba wataifanikisha na kuifikisha klabu hiyo kileleni mwa mafanikio. Akiwa Monaco nyota huyo wa zamani wa klabu ya Atletico Madrid ataungana na winga James Rodriguez ambaye pia ni raia wa Colombia baada ya kukubali uhamisho akitokea klabu ya FC Porto. Falcao amesema ana mahusiano mazuri na winga huyo na sio katika soka pekee bali wamekuwa marafiki wa karibu hata nje ya uwanja, na kummwagia sifa kwamba ni mchezaji bora ndio maana Monaco wametumia fedha nyingi kumsajili.